क्षणांनी भरलेले आभाळ...!

  भारतातून ह्या वेळी येतांना आठवणीने होळीचे रंग घेऊन आले ,  पिल्लूसाठी आपलं थोडस रंग खेळूया मग अचानक होळीच्या दिवशी सुचलं पाण्याचे फुगे मिळतात " डायसो हंड्रेड येन शॉप "  मध्ये तुम्ही दोघे जा आणि ते घेऊन या ,  मी तोपर्यंत सगळं घर आवरते आणि तुम्हाला मस्त गाजराचा हलवा बनवून ठेवते .  तयारी करता करता पाऊस आला मग काय ड्याडा एकटाच गेला आणि फुग्यांचा पंप फुगे घेऊन आला परंतु पंपाने काही पाणी भरता आले नाही मग संपूर्ण घर आवरून गाजराचा हलवा बनवून पाण्याचे फुगे बाथरूमच्या नळाने भरून ठेवले रंगांची ताटली भरून ठेवली आणि आता मी पटकन तयार होते म्हणताच पिल्लूला बाहेर फिरायला जायचं असं वाटलं आणि हट्ट सुरु झाला .  बरं ठीक आहे तू आवरून ठेव आम्ही आलोच आणि अवघ्या पाच मिनिटांत पिल्लू झोपी गेलं .  ड्याडा हसत हसत घरात आला मम्मा वैतागली ....  मग म्हंटल चल आपण फोटो शूट करून घेऊ पिल्लू उठलं कि मग मस्त रंग खेळू .  मग काय मस्त फोटोंची धमाल केली .  होळीची गाणी ऐकता ऐकता मस्त पुन्हा केलेली तयारी बदलली .... प्यार के रंग से खेलो रे होली   चढके ना ये रंग उतरेगा   ...

जॅक (डॉग टॉय) हा आमच्या कॅबीला सारखा दिसत असल्यामुळे पिल्लूने मोठ्या हट्टाने त्याला घेतेले. मी त्याला मुद्दामच काळा आणि कॉफी रंगाचा कुत्रा दाखवला पण त्याचा हट्ट होता हाच रंग हवाय अर्थात त्याला कॅबीला ची खूप आठवण आली. जॅक हे नाव कॅबीलाच्या दहा पिल्लां पैकी एका पिल्लाचं नाव होत आणि ते पिल्लू बहिणीने विकलं परंतु ते नवीन घरात काही रमेना त्यामुळे त्याला पुन्हा त्याच्या आई कडे कॅबीला कडे आणून सोडले. त्यामुळे जॅक आणि कॅबी हे दोघे माझ्या पिल्लूचे आवडते जिगरी दोस्त झाले. पिल्लू जपान ला आल्यावर कॅबीला बरेच दिवस त्याला तिथे शोधत होती. आणि पिल्लू पण तिला व्हिडीओ कॉल करतो तिचे फोटो आणि व्हिडीओ पाहून भयंकर खुश होतो. जॅक(टॉय) ला आम्ही १४ फेब्रुवारी ला घरी आणले होते. तेव्हापासून तो जेवत नाही काही खात पित नाही आणि त्याने काहीतरी खावं ह्याच प्रयत्नात प्रत्युष पिल्लाने सुद्धा जेवणच करायचं नाही किंवा दूध प्यायचं नाही असं तब्बल ४,५ दिवस सुरु ठेवलं, खूप खूप समजवल्या नंतर त्याने थोडफार ऐकलं परंतु जेवतांना झोपतांना न्हाऊ करतांना बाहेर फिरायला जातांना जॅक सोबतच हवाय हा हट्ट मात्र त्याने पुरवून घ्यायचाच असा न...