जात्यावरील ओवी....

माझ बाळांतपण हे जपान मध्येच व्हावं असा निर्णय मी फार आधीपासूनच घेतलेला होता. आणि ह्या एवढ्या मोठ्या निर्णयाची संपूर्ण तयारी अगदी एक एक पाऊल टाकतांना फार विचारपूर्वक करावी लागली. प्रत्युषचा जन्म होण्याआधीपासूनच मी त्याच्यासाठी सर्व प्रकारच्या वस्तू, खेळणी, कपडे, बाथ टब, पाळणा, रॉकर, स्ट्रोलर फोटोग्राफी चे वेगवेगळे ड्रेस, असे जे जे काही मला रोज नवनवीन शोधता येईल ते ते मी शोधून जमल्यास लगे हात ऑर्डर करून द्यायचे. त्यामुळे माझ बाळ येण्याच्या काही महिने आधीच त्याच्या स्वागताची सर्व तयारी मी करून ठेवली होती. याने आम्हा दोघा पती पत्नीला ऐनवेळी कोणत्याही प्रकारची धावपळ करावी लागली नव्हती. गरोदरपनाच्या नवव्या महिन्यापासून आम्ही फार निवांत होतो. आता फक्त काही तासांसाठी  हॉस्पिटल ला जायच आणि बाळाला घेऊन यायच. बहुतेक बाळंतपणाची थोडीबहुत माहिती आम्हा दोघांना असती तर तेहि आम्ही दोघांनीच पार पाडलं असत हा.हा...हा....
तर नक्की सांगायचं काय, माझ्या बाळाला काय काय वेळोवेळी हवय त्याला कोणत्या वयामध्ये कोणत्या आणि कशा प्रकारच्या वस्तू पुरवायच्या आहेत. याबद्दल ची माझी धडपड नेहमीच सुरु असते. आणि मुख्य म्हणजे ती फार छान पद्धतीने यशस्वी होते.
तरी देखील नाशिक मध्ये आल्यापासून मला माझ्या ह्या गोष्टीसाठी फार झगडावे लागले आणि त्यात लॉकडाऊन मध्ये तर अजूनच संघर्ष वाढला. आधीपासूनच मी नेहमी म्हणत असते, ह्या नाशिक मध्ये मला बाळासाठी हव्या तशा वस्तू मिळत नाही. एकतर खूप शोधाव्या लागतात किंवा ऑनलाईन हा पर्याय असतो. आणि ह्या साठी पुणे मुंबई अशा दुसऱ्या शहरांचे मी गुण गात असते. बहुतेक मी संपूर्ण नाशिक फिरले नसल्याने मला एवढी कल्पना नाही कि कुठे कोणती वस्तू मिळेल. केवळ वस्तू नाही, हव्या तशा दर्जेची आणि अगाऊ तंत्रज्ञानाची वस्तू हवी असते. किंवा नाशिकचं तेवढं विकसित नाही असे मी बडबडत असते. पण असोत यात खंत वाटत राहणे योग्य नाही आपल्याला हवंय ते कस करता येईल कशा प्रकारे शोधता येईल याचा विचार करून धडपड करत राहणे हेच योग्य.
बाळाच वेगात बदलणार वय हे फार महत्वाचं असत वयाची पहिली पाच वर्षे आपण त्याला ज्या काही सवयी लावू, जे काही शिकवू त्याच सवयी तीच बुद्धिमत्ता त्याला मूळ घटक म्हणून आयुष्यभर राहणार आहेत. त्यामुळे त्याच्या वयाचे काही टप्पे खूप सांभाळून आणि काळजीपूर्वक मला पार पाडायचे आहेत.
आणि हो बाळ हुशार असेल तर त्याची हुशारी पुढे येईलच ती लपणार नाही म्हणून त्याच्यासाठी काही करायच नाही किंवा आपल्या काळात कुठे आगाऊ तंत्रज्ञानाच्या वस्तू होत्या आपण असे राहिलो तसे वाढलो  ह्या सगळ्या पांचट आणि मुर्खास्पद वाक्यांचा मला तिरस्कार आहे. चांगल्या सवयी लागण्यासाठी बाळाला चांगल्या वस्तू पुरवणं हि माझी जबाबदारी आहे आणि माझ्या बाळाचा तो हक्क देखील आहे. आणि हे सगळं मला त्याला पुरवण्याची माझी जबाबदारी पुढेपण अशीच यशस्वी होओ एवढं बळ माझ्यात नेहमी असावं.
खूप खूप यशस्वी हो, बाळा भाग्यवंत हो.
हाय फिडींग चेअर त्याच्यासाठी मला खूप दिवसाआधीपासूनच घ्यायची होती परंतु लॉकडाऊन मुळे थोडं महिना दोन महिन्याचा उशीर झाला तरी देखील मी लॉकडाऊन संपायची वाट पाहिली नाही. बाळाला एकदा एखादी सवयी लागली तर ती बदलवणे फार अवघड असते. त्याच आधीच जेवण तो स्ट्रोलर मध्ये करत होता आता त्याच्यासाठी खुर्चीतिल जेवण हा नवीन बदल आहे आणि माझं पिल्लू तर मला नेहमी छान सहकार्य करत. मी त्याला घेतलेल्या सर्व वस्तू मध्ये तो नेहमीच खुश होतो. आणि ती वस्तू योग्य पद्धतीने वापरतो देखील.
आणि हो आमच्या आजच्या गिफ्ट चे स्पॉन्सर आमची मासीमाँ आहे बर तिच्या पॉकेट मनी मधून तिने आम्हाला गिफ्ट दिले.
Thank You Shooooo much Mau❤️😘

राजश्री जगताप.