#सुगंधित_गोंडा
दसरा आणि दिवाळीला खास गोंड्याच्या फुलांचा मान असतो. नाही म्हणजे तस गोंड्याच्या फुलाला वर्षाचे बाराहि महिने तेव्हडाच मान असतो., नाही?!, मला गोंड्याची फुल अगदी मोगऱ्याच्या फुलांप्रमाणेच आवडतात. त्यांचा सुगंध त्यांच्या रंगांचे प्रकार आणि मुख्य म्हणजे जेव्हा ते आंब्याच्या पानांसोबत जोडले/ओवले जातात तेव्हा ते जे काही आकर्षक दिसतात आणि दोघांचा एकत्रित सुगंध म्हणजे आहा.!!!
बऱ्याचशा सणांना पूजेला घरी नेहमी गोंड्याची फुले आवर्जून आणली जायची. बाजारात गोंड्याच्या फुलांचे ढीग आणि ते फुले विकण्यासाठीचा विक्रेत्यांचा आरडाओरडा, ग्राहकांची लगबग, घरी फुल आणल्या नंतर त्याची तोरण ओवायचे त्यासाठी लागणाऱ्या दोऱ्या पासून, जाडी सुई शोधून, आंब्याचे पानं तोडून आणायचे ते स्वच्छ धुवून पटापट दोन्ही चारी दारांसाठी तोरण, बाबासाहेबांच्या फोटोला हार, गाड्यांसाठी हार काही उरलेली किंवा जाणीवपूर्वक काही फुले उरवून ठेवायचे मम्मी आठवणीने ओरडून सांगते बाई काही सुट्टे फुल बाजूला काढून ठेव बुद्धांना वाहायला. आम्ही लहान असतांना ती स्वतःच हे सगळं करायची तीची हि कलाकुसर पाहूनच तर मोठे झालो आणि आता स्वतः ते बनवू शकतो. अशा प्रकारे तोरण आणि हार तयार व्हायचे सणाच्या आदल्या दिवशीची हि सर्वात महत्वाची तयारी ती फार लवकर पण करून ठेऊ शकत नाही आणि अगदी वेळेवर पण करू शकत नाही. त्यांनतर मग रांगोळीचा क्रमांक, मग पुढे उर्वरित सणाची तयारी. अशा प्रकारचं महत्व ह्या गोंड्याच्या फुलाला सणाच्या दिवशीच आहे.
नाही म्हणजे हे मी अगदीच अलगद आठवणाऱ्या आठवणी बद्दल लिहलं तस पाहिलं तर गोंड्याच्या फुला बद्दल बोलत बसलो तर रात्र छोटी पडेल. आता माझ खरं दुःख मांडायचं म्हणजे ते असं की विदेशात यातील कुठलाच सुगंध दरवळत नाही, केवळ आठवणीतच तो दरवळतो. कधीतरी कुठेतरी गोंड्याची फुले मिळतात पाहायला पण बोटॅनिकल गार्डन सारख्या ठिकाणी, असोत... म्हणून काय मी आता दुखी होऊन बसू होय?, बऱ्याच वर्षांपासून म्हणजे गेल्या सहा वर्षांपासून माझी इच्छा होती गोंड्याच्या फुलांची सजावट आपण स्वतः वूलन चे फुल तयार करून करू पण, ते राहून जायचं आणि भलतीच वेगळी काहीतरी सजावट घरात केली जायची. नाही म्हणजे तीही अगदी मनपसंतच बरं. ह्या वर्षी योगायोगाने वूलन ची फुले आणि पानांसाठीच साहित्य महिनाभगर आधीच आणून ठेवल होत कुठल्याही कामासाठी लागणार साहित्य हाताखाली असलं की कधीही कामाला सुरवात होते. विचाराप्रमाणे दिवाळीच्या चार दिवस आधी तोरण बनवायला सुरवात झाली. तोरणाला लागणारे सोनेरी लटकन हे पिल्लुच्या खेळणीतील चेंडू घेऊन सोनेरी कागदाने सजवले एकंदरीत संपूर्ण तोरण हे हस्तनिर्मित आहे आणि सुंदर माझ्या मनाला आवडेल असं छानस सुरेख तोरण माझ्या हातून विणलं गेलं फार आनंदी आणि सुखद असा क्षण क्षणांनी भरलेल्या आभाळात अधिक झाला. सुट्टे फुलंही आठवणीने मोजून बनवले बरं.... हा..हा...हा....
पिल्लू हे बघ अस गोंड्याच फुल बनवतात गोंदया.या गोंदया.या गोंदया.या..., गोंदया.या नाही रे पिल्ल्या गोंडा म्हण गोंडा.. गोंदाआ गोंदाआ... गेंदा फुल बोल बाबू गेंदा फुल.. गेंदाआआ गेंदाआआ.... जाऊदे पिल्लू तू आता पुढच्या वर्षी गोंड्याची फुलंच बनवून दे मला. मम्मा आत्ता आत्ता... आत्ता नको बाळा आत्ता मम्माने बनवले ना...?, हंम्म्म... हुशार माझं बाळ पुढची पिढी सुद्धा गोंड्याची फुले तोरण बनवण्यास सज्ज आहे. अजून काय हवंय..?! अगदी साद सोप्प काम होत छोटीशी ईच्छा होती परंतु त्यातील आनंद भला मोठा आभाळाएवढा मिळाला. कल्पना शक्ती सत्यात उतरवण्याचा आनंद. नाही म्हणजे इतर कुणी नेहमीच बनवत असेल अशी फुले पण मी केलेल्या कुठल्याही कामाचं कौतुक मी स्वतः आधी करतेच करते.
त्याचबरोबर गोंड्याच्या सुगंधित आठवणी देखील जाग्या झाल्या. त्यामुळं वूलन च्या ह्या गोंड्याला देखील आठवणींचा सुगंध आहे बरं... त्याचप्रमाणे त्यांच्याकडे पाहिल्या नंतर कुणीही ओळखू शकणार नाही गोंडा असली? की नकली?.... आहे कि नाही गंमत.
एवढी मेहनत ती कशासाठी तर म्हणे माझे सुंदर सुंदर छान छान फोटो काढण्यासाठी.....!
Happy गोंदया🌼..... Happyपिल्लू♥️…….
राजश्री जगताप.....
टिप्पण्या
टिप्पणी पोस्ट करा